سرج الحصان

كان فى حصان جميل وقوى وماكانش يقول للشغل لاء أبدااا وكان السرج بتاعة نضيف وكله كان بيحسده عليه أصله كان متين لحد ماجيه اليوم الموعود وركبه واحد مفترى خاوى أذى فى خلق الله عامل زى عتريس فى فيلم الخوف (بس ماكانش فى فؤاده) المهم .الشخص ده كان معاه كرباج وكل شويه يضرب الحصان بسبب وبدون سبب ولا كان بيأكله ولا يشربه

مع مرور الوقت أستسلم الحصان لمصيره وقرب على الهلك والسرج مبسوط فى القمه ومافيش وساخه بطوله بس وجه اليوم الموعود واحد أبن حلال وشوش الحصان بكلمتين فوره دمه وقال لنفسه مافيش الضرب والضرب ممنوع والضرب ممنوع وفضل يصهلل أدام صاحبه أصله كان مفصل جلابيه جديده وخايف عليه ولما دققنا فيها طلعت مكتوب عليها أسمه والحصان مسكتش والضرب عمال يزيد لحد ما الايد كلت وتعبت والكرباج شقق وأتقطع والرجل قال يا فكيك وخد ديله فى سنانه وخلع ..

الحصان فى أنسجامه وفرحته بنصره ورجوع قوته قال لنفسه لازم أتخلص من السرج عشان أجرى وأعرف أشم هواء فى الوادى الفسيح وكلى أكله نضيفه هوبا دخل عليه 4 رجاله وعمالين يتنخانقوا الحصان أتخط بس مسك نفسه وفضل هوه كمان يعمل دوشه لحد ما سكته خالص الاولنى كان على كتفه دابواره فرحان بيه وفى أيده عصايه صغيره (مكان الكرباج) والتانى لابس جلابيه قصيرة وطاقيه ومربى دقنه والتالت بدله سمكون ومسمى نفسه لبيرا والرابع  عمال يتكلم عن حق العمال وحق الغلابه وعامل فيها مناضل ومسمى نفسه أشترا……4 واقفين بيحددوا مصير الحصان بعد اليوم الصعب قضاه الحصان ومالحقش يفك السرج ويهرب ولا حتى ياكل أبو دابوره بيقول أحنا لازم نضربه جامد عشان ينخ ونمسكه من لاجامه ونشد سرجه عشان ما يتحركش ونسيبه يوم يومين من غير أكل ولا شرب عشان يتعلم أبو جلابيه راح قلالك لاء الرفق وما ذنب الحيوانات وده حصان جميل ولازم ندرك اللحظه ونأكله ونشربه راح التالت لبيرا قال صح لازم يأكل ويشرب عشان نعرف نستفيد منه ونكسب ونعيش راح الرابع أشترا قالك حق العامل حق الغلابن انا مقاطع وفضل مقاطع ليومينا هذا وأنتهى دوره وكان فى واحد خامس قاعد على المسطبه هناك عمال يتفرج ويضحك والحصان يبصلوا وهو حزين وفى سره ألحقنى مش أنت قولتلى ثور ومالكيش دعوه خلاصنى من اربع مصايب دول هو أنا كنت خلاصان من واحد لما أتبلى بأربعه بس الخامس كان عامل نفسه مش واخد باله

الاربعه فضلوا يتخنقوا مع بعض ونسوا الحصان ونسيوا يأكلوا بس كان أكترهم خناقه ليبرا والاشترا مع ابو جلابيه وأبو دابوره وأبو جلابيه كان شويه معاهم واكتر الوقت عليهم على حسب المصلحه اصله بيحب مصلحته ومش هامه غير ركوب الحصان وبرده الخامس كان بيتفرج وهو بيضحك ساعات وبيعيط ساعات ممكن يكون انهبل جايز زمن المعجزات .

ابو جلابيه كان ناصح شويه عن العيلين السيس دول كان بيجى بليل للحصان يأكله ويشربه ومكعب سكر لحد ما الحصان أتعود عليه .ولما الاربعه زهقوا من الخناق قرروا يشيروا على الحصان ويسيبوا يختار مصيره قال حريه أقال جتكم نيله على هبلكم بس الحصان لما عرف أحتار أختار مين أختار مين ووقفوا هما الاربعه عشان الاختيار كل واحد بيشاور للحصان أبو دابوره ابتسم وخبا العصيا عشان ميخوفهش أبو جلابيه حاطط فى أيديه مكعب سكر وليبرا وأشترا عاملين يبرطموا بكلام الحصان مش فهمه أشى مدنيه وعداله انتقاليه مش أنتقائيه ولجنه تقصى حقائق ودم سال فى الشوارع والحصان مبلم ومحتار والخامس برده ما تحركش من مكانه وأخر ما زهق الحصان أختار أبو جلابيه عشان السكر عشان كان جعان وهفتان وأقال أيه هيرعوا ربنا فيه ومش هيضرب تانى ما علينا .

وركب الحصان أبو جلابيه بعد تهديد ووعيد بحرق وضرب وسحل الحصان طبعا ومشى بالحصان فى الطين وبهدله وطلب من السرج أنوا يمكنه من رقبه ورجلين الحصان عشان يتحكم على راحته والسرج طوعه بس على مين السرج أتفق مع أبو دابوراه أه ينتروا فى أقرب فرصه وبعد يوم يومين شهر شهرين سنه حصل وتنفذ الملعوب وشربه أبو جلابيه وفضل يعيط ويقول أنا هافجر نفسى أنا هاولع هحرق ها فجر ونسيت اقولكوا ليبرا دخل فى الخط عشان ينتر أبو جلابيه بس فى الاخر

بس الاساس فى الاتفاق السرج وأبو دابوره وكان نويله كل شويه عليه طخ بووووم طخ بووووم لما أتهرااااا….

وفى الاصل الخامس صاحب الحصان ويسيبوا يترمرمط فى أيد العسكر ألاخوان اليبرالين الاشتراكين تيارات أيه ساكت ليه الله اعلم

الاخوان أتحلفوا مع الدوله المباركزميه للتمكين وتحييد العسكر وطوعتهم وفى أقرب حفره رميتهم ولسه ما ستين بكره فى ايه………

الممارسات القمعية فى زمن تلقيح الجتت

احنا حاليا أو قبل كده عايشين فى مصر بنتفرج على مسرحية هزلية بس سخيفة تتخنق ويجيلك هلوس وتخاريف بسببها لا فى حال بيتعدل ولا جو بينضف لكن تحركنا من القاع الى القاع .الديكتاتورية تأصلت بدخل كل واحد فينا فى كل حاجه رأيه مشيته واقفته خليته يحس انه عايش لواحده فى الكون يأمر يتحكم يشخط وعايز كل الناش تتكلم كلامه وتأتمر بأمره .نرجع لعنوان المقال وده متعلق بالمواطن المصرى الشريف صاحب حائط البطولات الوطنية والمواقف المشرفه تعريفه بقى المواطن الشريف هو المواطن يظهر وقت الشدائد شمشون الجبار حامى الوطن من الخونه والعملاء وأعداء الوطن وتتجه بوصلته لمن يحمل لواء السلطة أين كان نوع السلطة او اتجاهه المهم الاستقرار ويرجع الامن والامان يعنى بشتغل أحسن من صمام الامان فى سخان المياه .مواصفاته بيعمل بلاغات ضد اى حد ولأى سبب مره تكدير السلم المجتمع بيخرج عن التقاليد والاعراف مره التخابر المهم انه يكون ليه كلمه وبصمه وصوته دايما عالى عشان عندنا أعلام متحيز لكل مواطن شريف ورايحته وحشه مهما درايه وميستحماش من ممارسته المحرمه مع السلطة زيه زى عفن الخبز وغاوى تفتفه على خلق الله مواقفهكان مع نظام مبارك تكلمه عن الفساد والمحسوبيه والواسطه وفرص العمل يقول يعنى ينزل يراقب كل واحد ثما أنتوا كتير يعمل ايه ولا ايهتكلمه عن تعذيب الدخليه وأنتهكاته يقولك ماهو قله أدب يعنى واحد حشاش وبتاع بانجو وعيال بلطجيه عايزيهم يحسس عليهم لا ياعم مش يحسس بس يحاسب بالقانون مش يقتل ويعذب ويلفق تهمتكلمه عن المرتبات وزياده الدخل يقولك يجيبلكوا منين أنتوا 80 مليون بطلوا خلفه شويه جتكوا القرف شكرا ياعم الشريف ما هو الفساد لو يقل شويه عشان زكريا عزمى يقول الفساد وصل للركب لاء ده كان حمام مالطةعملتوا ثورة 25 يناير ياه ياعم ده أحنا كنا عايشين فى مستنقع فساد كل ديه فلوس فى البلد والدخليه بتقتل فى الناس لا ياشبخ أنت لسه واعى وقلبت بوصلته على المجلس العسكرى طوالى تقوله الدستور أولا يقولك لا ياعم خلينا نخلص ويكون عندنا مؤسساتتكلموا عن سحا المتظاهرين وكشف العذرية يقولك الاستقرار عجلة الانتاج أمال المرتبات تزيد أزاى تقولوا كفايه حكم عسكر ياعم سيبوا هى البلد ما يحكمش غير راجل عسكرى شديد ياعم مدنيه يارواح داخل المواطن الشريف التانى لاء أسلامية البرلمان الشريعة تحكمنا يافسقه يا بتوع الاختلاط مشى العسكر على جثث الاحرار وتسلمت البلد لمرسى وجماعتهفاتوا أول 100 يوم فين ياعم وعود الخمسه للرئيس ياعم هو عايزين يسيبوا يشتغل كل مايلمها من هنا تتخرم من هنا والاعلام المتحيز ويطلع الرئيس يقولك احنا حققنا كل حاجة وكلها فوق 50% كل ده تضليل أنتا بقى بتتضحك علينا والوزارة فين شعار مشاركة لا مغالبه يقولك كل ما يعرضها على حد يرفض يروح يجيب قنديل هو ده أخرت صبرناالدستور بقى فين التمثيل المجتمعى لكل الطوائف يقولك أحنا أتفقنا على نسب مجلس الشعب وتبت على كدهواقعة الاتحادية وبورسعيد ينفع الاخوان تتحرك برجالتها وترحوا تسحل الناس هناك حد قالهم يرحوا هناك وثما كان فى فجر والعياذ بالله أختلاط بنات واولاد والله أعلم ايه كان بيحصل ولقوا لولوب وكالدم زى ما عضو حازمون أقال وجبنه نستون يامعفنين وده قصر الرئاسه ينفع يحصل فيه كدهوفى بورسعيد يقولك أحكام القضاء ولا تتدخل فيها وخطابته فيها كلام من تحقيقات النيابة وكلام عن القضاة المهم راحوا الاخوان ورجع العسكر أتقلبت كل الاخوان خوانه أرهابيين ومعاهم سلاح ومش خايفين على البلدوالاعلام عنده حق فى كل كلمه يعنى مش متحيزونخلص من طنطاوى يطلع السيسى ولا عبد الناصر هو ناقذ البلد من الازمه الاخوانيه ده سرطان كان هينتشر فى البلدوهيفضل على نفس المنوال المواطن الشريف مع السلطة أى كانت أتجاهها أو مصدرةلتجنب الاصابه لو شايف انك عندك الاعراض ديه جيب دورق مياه مبللوله وأشربه 3 مرات وأستحما كويس وياريت تشوف دكتور برد وفى النهايه عارض تأيد براحتك بس ما تصادرش رأى حد وبلاش شغل انا الوحيد بخاف على البلد وبحبها عشان انت لو جتلك سفر بره مصر هتجرى وتسيب البلد ومش هيهمك ألا مصلتحكفليرحمكم اللهوالسلام عليكوا

أختيار العروسة

كيف تختار عروسة ؟؟ ده سؤال محير لاسباب كتيرة جدا

أولا لازم تكون دايرة معارفك الشخصية والعائلية تكون كبيرة لحد ما عشان لوأنت هتتجاوز بطريقة الصالونات
ثانيا تكون أنت كشخص هوايتك أنك تصاحب بنات هتكون المهمه أسهل شويه بس ما تنساش يمهل ولا يهمل يعنى بنسبة كبيرة هتقع فى شر أعمالك
ثالثا هتكون  حد لذوذ و كيوت وربنا يكرمك وتقع فى وحده زيك لذيذة وكيوت وأنا هسمى البند عمرو حمزاوى _ستايل
رابعا هتكون صايع من كافيه العلانى للكافيه الترترنى وعامل زى النحلة بتدور على الزهرة بتاعتك وأن شاء الله هتلاقيها ما أنت يعنى لافيت مصر كعب داير وربنا هيكون فى عونك
خامسا وديه بقى ظاهرة جديده خليك ناشط سياسى وبتاع مظاهرات وأنزل ظيت يامعلم ونقى براحتك البنات بتنزل ولا أكانها راح
فرح  واحده صاحبتها ولابسا الى على الحبل وميك أب على اعلى مستوى بس مش كلهم بيعملوا كده خلى بالك
سادسا لو ملكش فى الكلام ده أدخل على الخطبه الموضوع ده ما تلغش لسه موجود بس بقى مودرن أكتر 

سابعا لو أنت مش من دول كلهم يبقى تيجى تقعد جنبى وندعى أن ربنا يفرجها من عنده

من حب الرمان

من بداية الموضوع أن ديه أول مره أكتب فيها بس هاحاول منا لازم أحول أعبر عن نفسى بس بأفكار مختصرة.كشخصى زى زى كأى شخص عايش فى مصر فضلت أحلم بيوم تخرجى من الكلية عشان أشتغل وأتجوز بوحدة أحبها وتحبنى ونعيش فى تبات ونبات ونخلف صبيان وبنات حلم متواضع زى حلم كل المصريين بس لاقيت نفسى دخلت الجيش ظابط أحتياط قلت   مش مهم هو ده نصيبك وكل تأخيره وفيها خيره وماحدش عارف نصيبه فين وأذ فجأة قامت ثورة وأنا فى الجيش بس الواحد ماكنش عارف الحقيقة فين هما الناس فى الميدان دول خوانه وعملاء للانجليز والامريكان ولا دول الثوار بس انا كنت أعرف ان يوم 25 يناير ان فيه مظاهرات نازله تتطالب بعيش حريه عداله أجتماعية لكل أنسان عايش على أرض مصر لكن أنتوا عارفين فى زمن مافيش مصداقية لآى حد ومافيش مصدر تأخد منه المعلومة كان لازم أتاكد والحمد لله أتاكدت أن الناس فى التحرير والسويس وأسكندرية ناس كمل ولاد أصول مهما حولوا يقولوا عليهم كنتاكى واخدين فلوس عيال سيس مخدرات نسوان ألخوتحقق الحلم بعد ناس ماتت وأصابات وناس بتقول أخيرا تحقق الحلم المخلوع وسلم البلد للعسكر ودخلنا متاهة حكم العسكر والجيش لازم يرجع ثكانته ويسلم الحكم لسلطه مدنية منتخبة بارادة شعبية حره وبالفعل سلم السلطة مع شوية  لعب تحت الترابيزة وشويه دم وشهداء وأعتقالات لناس برده بتهتف عيش حرية عدالة أجتماعية من ماسبيرو للبالون لمحمد محمود للعباسية لوزارة الدخليه وأعذروانى من كتر الدم مش قادر أرتب الاحداث ويمكن نسيت لمكان دم ما ما هومصر بقيت عبارة عن مكان للشهدا كبير واتسلمت السلطة لرئيس مدنى منتخب د.محمد مرسى يسلام على فرده صدره فى التحرير ولا لما الحرس الجمهورى فقعه التحيه العسكريه زى ما عرفه قلت بس احنا نستريح منشتغل بجد آه نست فى عز الزحمه ديه انا لاقيت شغل أصل انا خريج هندسه الحمد لله بس فى خلال سنه الناس زهقت من حكم مرسى ولاخوان أصلهم زودها كتير وأفتكروا نفسهم هيحكموا مصر أبد الابدين والناس نزلت تانى الميدان تقول يسقط حكم المرشد والبتنجان ورجعنا فى حيص بيص العسكر أدى فرصه لمرسى 48 ساعة يرجع فيها نفسه وينزل على أرادة الشعب بس هو ركب دماغ وطار راح العسكر مع الناس أقولوا طير أنت وجماعتك ومش عايزين نشوفوكوا تانى وأتعزل بس الناس بتقول حركت معلم من السيسى وناس بتقول الخاين العميل السيسى وبس عن نفسى أنا فرحان ان مرسى ساب الحكم ومش هننكر أن فى جزء كبير من الناس فرحان وجزء كبير مش راضى عن بيحصل أصل بيقولوا عليه رئيس منتخب بس كانت تصرفته بتدل عن انه ديكتاتورفى الحكم يعنى مستبد من الاخر 

بس العسكر مع القوى الوطنيه عشان يقولوا ان ده مش أنقلاب راحوا جايبن المستشار عدلى منصور رئيس مؤقت لحد مايعملوا دستور جديد أو يعدلوا الدستور القديم وأنتخابات برلمانيه جديده ورئاسيه كمانبس الناس فى رابعة العدويه لسه معتصامين وكل يومين تلاته فى ناس بتموت والواحد زهق من كتر الدم